Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Cristiano Ronaldo បំបែកកំណត់ត្រាថ្មីក្នុងក្របខណ្ឌលីគកំពូលអារ៉ាប៊ីសាអូឌីត Saudi Pro League

  • ចុះផ្សាយថ្ងៃទី២៨ ខែឧសភា ឆ្នាំ២០២៤ ម៉ោង ១៤:២៤ នាទី ដោយ Mesa
  • 1871
  Aa |   aA

អារ៉ាប៊ីសាអូឌីត៖ កីឡាករ Cristiano Ronaldo បានបំបែកកំណត់ត្រាក្លាយជាកីឡាកររកគ្រាប់បាល់បញ្ចូលទីច្រើនជាងគេបំផុតក្នុងមួយរដូវកាលនៃក្របខណ្ឌលីគកំពូលអារ៉ាប៊ីសាអូឌីត Saudi Pro League អំឡុងការរកគ្រាប់បាល់ទី៣៤ និង ៣៥ ក្នុងការប្រកួតចុងក្រោយនៃរដូវកាល ២០២៣/២៤។ 

នៅលើបណ្ដាញសង្គម X កីឡាករសញ្ជាតិព័រទុយហ្គាល់រូបនេះបង្ហោះសារយ៉ាងដូច្នេះថា៖ "I don't follow the records, the records follow me" ឬមានន័យថាភាសាខ្មែរថា "ខ្ញុំមិនតាមកំណត់ត្រាឡើយ ប៉ុន្តែកំណត់ត្រានៅតែមកតាមខ្ញុំ"។ 

គួរឱ្យដឹងថា Cristiano Ronaldo កាលពីយប់មិញបានរកគ្រាប់បាល់បញ្ចូលទី ២គ្រាប់ក្នុងការប្រកួតទល់នឹងក្លិបបាល់ទាត់ Al Ittihad ដែលធ្វើឱ្យរូបគេបំបែកកំណត់ត្រាក្លាយជាកីឡាកររកគ្រាប់បាល់បញ្ចូលទីច្រើនជាងគេបំផុតក្នុងមួយរដូវកាល ពោលគឺកំណត់ត្រានេះធ្លាប់បានកាន់កាប់ដោយកីឡាករសញ្ជាតិម៉ារ៉ុក Abderrazak Hamdallah របស់ក្លិប Al Ittihad កាលពីរដូវកាល ២០១៨/១៩។ 

យ៉ាងណាក្ដី ក្លិបបាល់ទាត់ Al Nassr បានបញ្ចប់ត្រឹមចំណាត់ថ្នាក់លេខ២ ប៉ុណ្ណោះក្នុងរដូវកាល ២០២៣/២៤ នៃក្របខណ្ឌ Saudi Pro League ដាច់ពីក្រុមជើងឯក Al Hilal រហូតដល់ ១៤ពិន្ទុ។ គួររំឮកថា Ronaldo បានចូលរួមជាមួយក្លិប Al Nassr កាលពីឆ្នាំ២០២២ ខណៈវត្តមានរបស់អតីតកីឡាករ Real Madrid និង Manchester United រូបនេះ ហាក់ជាការបើកផ្លូវដល់កីឡាករល្បីៗច្រើនមកប្រកបអាជីព និងទទួលបានកម្រៃឈ្នួលកប់ពពកនៅលើទឹកដីអារ៉ាប៊ីសាអូឌីត៕



ព័ត៌មានជាច្រើនទៀតសម្រាប់អ្នក